რომის პაპი რამდენიმე წუთის წინ პრეზიდენტის სასახლეში სიტყვით წარსდგა და ძალადობრივი ექსტრემიზის გავლენაზე ისაუბრა:

"მართლაც და მსოფლიოს უამრავ წერტილში როგორც ჩანს ის ლოგიკა ჭარბობს, რომელიც ართულებს კანონიერი განსხვავებებისა და უთანხმოებების, რომლებიც ყოველთვის შეიძლება წარმოიშვას, მოქცევას ცივილიზებული განსჯისა და დიალოგის კალაპოტში, სადაც გაიმარჯვებდა საზღი აზრი, ზომიერება და პასუხისმგებლობის გრძნობა, ეს განსაკუთრებით საჭიროა დღეს, როცა არცთუ იშვიათია ძალადობრივი ექსტრემიზმი, რომელიც მანიპულირებს სამოქალაქო თუ რელიგიური პრინციპებით და ამახინჯებს მათ, რამეთუ გაბატონებისა და სიკვდილის ბნელ გეგმებს დაუქვემდებაროს ისინი.

აუცილებელია, რომ თითოეული ჩვენგანის გულებში უპირველესი ადგილი ეკავოს ადამიანის ბედს, ამ სიტყვის კონკრეტული გაგებით. მოთმინება და ძალისხმევა არ დავიშუროთ, რათა უთანხმოება ძალადობაში არ გადაიზარდოს, რაც ეგზომ აზარალებს ადამიანსა და საზოგადობას".

რომის პაპი ფრანცისკე საქართველოს დღეს ესტუმრა და ის თბილისიდან ბაქოში 2 ოქტომბერს გაემგზავრება. პაპი ფრანცისკე დღეს პირისპირ შეხვდება ილია მეორესაც.

ამავე თემაზე:

ძირითადი აქცენტები პაპი ფრანცისკეს სიტყვიდან