რამდენიმე წუთის წინ რომის პაპი ფრანცისკე პრეზიდენტის სასახლეში სიტყვით წარსდგა, რომელშიც მან ხაზი გაუსვა განსხვავებულობის მქონე ადამიანებისთვის მშვიდობიანი გარემოს შექმნის აუცილებლობას და ამ საკითხში პასუხისმგებლობის მქონე პირების მნიშვნელობას:

"ნებისმიერი განსხვავებულობა, ეთნიკური, ენობრივი, პოლიტიკური თუ რელიგიური, უნდა იქცეს არა წარმოშობილ უთანხმოებათა დაპირისპირებასა და გაუთავებელ ტრაგედიაში გაზრდის საბაბად, არამედ სავსებით შესაძლებელია ის იქცეს ურთიერთგამდიდრების წყაროდ და საყოველთაო სიკეთედ, საამისოდ კი ყოველ ადამიანს უნდა შეეძლოს საკუთარი სპეციფიკურობის სრულად და სასიკეთოდ გამოყენება, რისთვისაც უპირველეს ყოვლისა შესაძლებლობა უნდა მიეცეს მშვიდობიანად იცხოვროს საკუთარ მიწაზე, ან დაბრუნდეს იქ, თუ რაიმე მიზეზით მოუწია მისი დატოვება.

ვისურვებდი, რომ საზოგადოებრივი პასუხისმგებლობის მქონე პირებმა განსაკუთრებით გაითავისონ ამ ადამიანების მდგომარეობა, ეძიონ მათი პრობლემების გადაწყვეტის კონკრეტული გზები, თუნდაც გადაუჭრელი პოლიტიკური საკითხების პირობებშიც კი, აქ საჭიროა შორსმჭვრეტელობა და სიმტკიცე, რათა გავნსაზღვროთ, თუ რაში მდგომარეობს ჭეშმარიტი სიკეთე ხალხთათვის და გაბედულად და გონიერებით მივყვეთ მას. ამავე დროს, მუდამ თვალწინ უნდა გვედგას ტანჯული ადამიანი, რათა თავდაჯერებით ვიაროთ მშვიდობის, მშენებლობის ძნელ, მაგრამ მიმზიდველ და გამათავისუფლებელ გზაზე".

რომის პაპი ფრანცისკე საქართველოს დღეს ესტუმრა და ის თბილისიდან ბაქოში 2 ოქტომბერს გაემგზავრება. პაპი ფრანცისკე დღეს პირისპირ შეხვდება ილია მეორესაც.

ამავე თემაზე:

ძირითადი აქცენტები პაპი ფრანცისკეს სიტყვიდან