რომის პაპი ფრანცისკე რამდენიმე წუთის წინ პრეზიდენტის სასახლეში სიტყვით წარსდგა და საუბრისას ის კონფლიქტური რეგიონების თემასაც შეეხო:

"ჭეშმარიტსა და მდგრად წინსვლას თავისი აუცილებელი წინასწარი პირობა აქვს, ესაა რეგიონის ერებსა და სახელმწიფოებს შორის მშვიდობიანი თანაარსებობა, საამისოდ კი აუცილებელია მათ შორის ურთიერთპატივისცემის განმტკიცება, რაც უცილობლად გულისხმობს თითოეული მათგანისთვის სუვერენული უფლებების პატივისცემას და მათთვის ანგარიშის გაწევას საერთაშორისო სამართლის ფარგლებში.

ხანგრძლივი და ჭეშმარიტი მშვიდობისაკენ მიმავალი გზის გასაკვალად კი იმის შეგნებაა საჭირო, რომ სახელმწიფოთა შორის სტაბილური და სამართლიანი ურთიერთობის დასამყარებლად აუცილებელი პრინციპები ქვეყნებს შორის კონკრეტულ მოწესრიგებულ მშვიდობიან თანაარსებობას უნდა ემსახურებოდეს".

რომის პაპი ფრანცისკე საქართველოს დღეს ესტუმრა და ის თბილისიდან ბაქოში 2 ოქტომბერს გაემგზავრება. პაპი ფრანცისკე დღეს პირისპირ შეხვდება ილია მეორესაც.

ამავე თემაზე:

ძირითადი აქცენტები პაპი ფრანცისკეს სიტყვიდან