დღეს, იაპონიის ქალაქ ოსაკაში დიდი ოცეულის სამიტი დაიწყო, სადაც მსოფლიო ლიდერები ერთმანეთს შეხვდნენ.

აშშ-სა და რუსეთის პრეზიდენტის შეხვედრაზე, ტრამპს ჟურნალისტმა ჰკითხა, მიაქცევდა თუ არა ყურადღებას 2020 წლის არჩევნებზე რუსეთის ჩარევის მცდელობებს. ტრამპმა გაიცინა და პუტინს ჟურნალისტის კითხვის პასუხად მიმართა:

"არ ჩაერიო არჩევნებში, არ ჩაერიო არჩევნებში".

აშშ-ს სპეციალური პროკურორის, რობერტ მიულერის განცხადებით, გამოძიებამ აჩვენა, რომ რუსეთმა 2016 წლის საპრეზიდენტო არჩევნებში ჩარევა სცადა, რაც, მისი სიტყვებით, ყველა ამერიკელისთვის "საყურადღებო უნდა იყოს".

დღეს, G20-ზე, ტრამპმა ასევე განაცხადა, რომ პუტინთან "ძალიან, ძალიან კარგი ურთიერთობა" აქვს, რასაც "ბევრი კარგი რამ მოჰყვება".