ბიძინა ივანიშვილმა GDS-ზე განაცხადა, რომ თუ ნაცმოძრაობა მართლაც აპირებს ამბოხს, ქვეყანა საფრთხის ქვეშ იქნება და ამ ყველაფერს აკაკი მინაშვილი უხელმძღვანელებს. ამის შესახებ ექსპრემიერს მისი თქმით დიდი ქვეყნების სპეცსამსახურებიდან აცნობეს:

"ერთი ინფორმაცია, რაც შეიძლება მართლაც სახიფათო იყოს, ყველა დიდი ქვეყნის სპეცსამსახურებისგან მაქვს მიღებული. ეს ინფორმაცია [ენმ-ს ე.წ. საუბრის ფარული ჩანაწერი ქვეყნის გადატრიალებაზე] რომ სიმართლე აღმოჩნდეს, მართლა დიდი ხიფათი შეიძლება გველოდეს. არის ინფორმაცია, რომ ამ ყველაფერს სათავეში ჩაუდგება აკო მინაშვილი".

ივანიშვილმა, ჟურნალისტების კითხვას, ხუმრობდა თუ არა ის, უპასუხა, რომ კოორდინაცია ბარდება აკაკი მინაშვილს, თუმცა დასძინა, რომ ნაციონალურ მოძრაობას "ხუმრობით უნდა მიუდგეს საზოგადოება".

შეხვედრები რეგიონულ მედიასთან - ასე ჰქვია ტელეკომპანია GDS-ის საარჩევნო პროექტს, რომელშიც ყოფილი პრემიერმინისტრი, ბიძინა ივანიშვილი მონაწილეობს. გადაცემას 20:30-ის ჟურნალისტები ნათია თოიძე და მიხეილ ფეიქრიშვილი უძღვებიან.