შინაგან საქმეთა სამინისტროს პრესსამსახურის ინფორმაციით, 20 ივნისის აქციასთან დაკავშირებით გენერალურმა ინსპექციამ ცალკეული სამართალდამცავების მხრიდან უფლებამოსილების შესაძლო გადამეტების ფაქტების შესწავლა დაიწყო. უწყებაში არ აკონკრეტებენ რამდენ სამართალდამცავზეა საუბარი.

"აღნიშნული სამართალდამცავები აქციების დროს მართლწესრიგის დაცვასა და უსაფრთხოების უზრუნველყოფაში აღარ მონაწილეობენ", — განმარტავს პრესსამსახური.

20 ივნისის აქციის დაშლის დროს დაშავდა მინიმუმ 240 ადამიანი, ორ მათგანს თვალი ამოაჭრეს. დაშავებულებს შორის იყვნენ ჟურნალისტებიც. აქციის დაშლის დროს რჩებოდა შთაბეჭდილება, რომ ზოგიერთი სამართალდამცავი მიზანმიართულად და დამიზნებით ესროდა ჟურნალისტებს.