პარლამენტის წინ აქცია დაშავებულებს შორის არიან ჟურნალისტებიც. დაშავებულებს შორის არიან On.ge-ს ჟურნალისტები. ერთ-ერთ მათგანს ფეხზე რეზინის ტყვია მოხვდა. მას დახმარება სასწრაფომ აღმოუჩინა და მისი გადაყვანა საჭირო არ გახდა. რეზინის ტყვია მოხვდა On.ge-ს რედაქტორსაც.

გარდა ამისა, დაშავებულია პირველი არხის ოპერატორი. არხის ინფორმაციით, მას სავარაუდოდ სახეში რეზინის ტყვია მოხდა. რეზინის ტყვია მოხვდა ტვ პირველის ოპერატორსაც. აქციიდან გაიყვანეს რუსთავი 2-ის ჟურნალისტი, თამარ ბაღაშვილი. ონლაინგამოცემა ნეტგაზეთის ინფორმაციით, ფიზიკურად გაუსწორდნენ მათ ჟურნალისტ გიორგი დიასამიძეს. არიან სხვა დაშავებული ჟურნალისტებიც.

სპეცრაზმი უკვე რამდენიმე საათია ცრემლსადენ გაზსა და რეზინის ტყვიებს იყენებს აქციის მონაწილეების წინააღმდეგ. ახლა კი მათ წყლის ჭავლის გამოყენებაც დაიწყეს. დაშავებულთა ზუსტი რაოდენობა უცნობია. დაშავებულებს შორის არიან როგორც აქციის მონაწილეები, ისე სპეცრაზმელები.