ჩვენი სმარტფონები ჯადოსნურ სამყაროს იტევს და როგორც ჩანს, სულ მალე მასში თავით გადაშვებას შევძლებთ. სუპერპოპულარული თამაშის, Pokémon GO-ს შემქმნელებისგან (Niantic Labs) კიდევ ერთ პოტენციურ ჰიტ თამაშს — Harry Potter: Wizards Unite-ს ამ კვირაში ვიხილავთ.

თამაშის ოფიციალური ტვიტერის გვერდი გვამცნობს, რომ Harry Potter: Wizards Unite პარასკევს, 21 ივნისს მსოფლიოს მასშტაბით გახდება ხელმისაწვდომი.

საინტერესოა, შეძლებს თუ არა ეს თამაში გახდეს ისეთი გლობალური ფენომენი, როგორიც Pokémon GO იყო, განსაკუთრებით საწყის ეტაპზე.