მსოფლიო ბანი, პაატა ბურჭულაძე ამბობს, რომ მის წინააღმდეგ მორიგი კამპანია წამოიწყეს. ოპერის მომღერალი რუსთავი 2-თან ყვება, რომ უცნობი პირი თეატრებში რეკავს და ამბობს, რომ პროკურატურაში მასზე საქმეა აღძრული. ბურჭულაძე დარწმუნებულია, რომ კამპანიის სათავეში ბიძინა ივანიშვილია.

"ვიღაცა რეკავს მთელ თეატრებში და კითხულობს, შეიძლება თუ არა პაატა ბურჭულაძესთან გასაუბრება. თეატრები ეკითხებიან, კი მაგრამ თქვენ რატომ რეკავთ აქ, [ის პასუხობს] იმიტომ რომ აღძრულია მის წინააღმდეგ საქმე და 7-დან 11 წლამდე ციხე ემუქრება. რაც მთავრია, მე რომ მივხვდე რომ მე მიკეთებენ, ის ამბობს, რომ მისი გვარია სააკიანი", — ამბობს ბურჭულაძე.

გარდა ამისა, რუსთავი 2-ის ინფორმაციით, კლასიკური მუსიკის სფეროში ცნობილმა ავტორიტეტულმა ორგანიზაციამ, ასკონა ჰოლტიმ პროკურატურას წერილით მიმართა. არხის მიერ გავრცელებულ წერილში, ასკონა ჰოლტის დირექტორი გენერალურ პროკურორ შალვა თადუმაძეს წერს, რომ საქართველოში განხორციელებული დისკრედიტაციის კამპანიის ავტორები ცდილობენ, პაატა ბურჭულაძის რეპუტაცია უცხოეთშიც დააზიანონ. წერილში, ასევე, ნათქვამია, რომ მომღერლის კარიერა უცხოეთში მნიშვნელოვნად დაზიანდა. გარდა ამისა, ორგანიზაციის დირექტორი ამბობს, რომ გამოძიების დაწყებიდან ორი წლის თავზეც პაატა ბურჭულაძის ბრალეულობა ამ დრომდე არ გამოვლენილა.

გენერალურ პროკურატურაში On.ge-ს დაუდასტურეს, რომ ასკონა ჰოლტისგან წერილი მიიღეს, თუმცა გასცემენ თუ არა პასუხს წერილს უწყებაში არ ამბობენ.

ფონდ იავნანას საქმე

საქართველოს მთავარმა პროკურატურამ ფონდ იავნანას ხელმძღვანელი პირების მიერ, სამსახურებრივი მდგომარეობის გამოყენებით, დიდი ოდენობით თანხების შესაძლო მითვისება-გაფლანგვის ფაქტზე გამოძიება 2017 წლის სექტემბერში დაიწყო.

გამოძიებას საფუძვლად დაედო არასამთავრობო ორგანიზაცია ახალგაზრდა ფინანსისტთა და ბიზნესმენთა ასოციაციის ვიცე-პრეზიდენტის განცხადება, რომლის თქმითაც, ფონდ იავნანას ხელმძღვანელები შესაძლოა საქველმოქმედო მიზნებისათვის მოპოვებულ თანხებს ითვისებდნენ და არამიზნობრივად ხარჯავდნენ.

ამავე თემაზე: