საქართველოში ბრიტანეთის ელჩმა, ჯასტინ მაკენზი სმიტმა დედოფალ ელისაბედ მეორის დაბადების დღის აღსანიშნავ წვეულებაზე ილია ჭავჭავაძის სიტყვები გაიხსენა.

"მოძრაობა და მარტო მოძრაობა არის, ჩემო თერგო, ქვეყნის ღონისა და სიცოცხლის მიმცემი", — თქვა ელჩმა, რასაც აპლოდისმენტები მოჰყვა. ელჩის გამოსვლას საზოგადოებრივი მაუწყებელი ავრცელებს.

თებერვალში ქართული ზმნით აღფრთოვანებულმა ბრიტანეთის ელჩმა Twitter-ზე "შემომეხარჯა" ინგლისურად განმარტა: "შემთხვევით სულ დავხარჯე, ისე რომ არ მინდოდა და იმედია, ამას გაგებით მოეკიდებით".