ფინანსური პოლიციის ინფორმაციით, სიგარეტის ნაწარმის დიდი ოდენობით ყალბი აქციზური მარკის დამზადება-გასაღების ბრალდებით ერთი პირი დააკავეს. უწყების განცხადებით, ამოღებულია 1 545 ცალი ყალბი აქციზური მარკა და შესაბამისი ტექნიკური დანადგარი.

საქმეზე გამოძიება საქართველოს სისხლის სამართლის კოდექსის მე-200 პრიმა მუხლის მეორე ნაწილით მიმდინარეობს, რაც სასჯელის სახით ითვალისწინებს თავისუფლების აღკვეთას 4-დან 6 წლამდე ვადით.