კოსტავას ქუჩაზე მდებარე თბილისის ჭადრაკის სასახლესა და ალპურ კლუბს კულტურული მემკვიდრეობის უძრავი ძეგლის სტატუსი მიენიჭა. მთავრობის შესაბამისი განკარგულება 27 მაისით თარიღდება.

განკარგულებით საქართველოს განათლების მეცნიერების, კულტურისა და სპორტის სამინისტროს დაევალა, ამ ძეგლების შესახებ მონაცემები საიტზე გამოაქვეყნოს.

თბილისის ჭადრაკის სასახლე და ალპური კლუბი 1973 წელს გაიხსნა ვერის ბაღში. ის ე.წ. გვიანი საბჭოთა მოდერნიზმის სტილის ნაგებობაა. შენობის არქიტექტორები ვლადიმერ მესხიშვილი და გერმანე ღუდუშაური არიან.