უფლისციხეში ექსკურსიაზე წასული შვიდი წლის ბიჭი ძეგლ-ნაკრძალის ტერიტორიაზე სიმაღლიდან გადავარდა. ინფორმაციას ინტერპრესნიუსი ავრცელებს.

ბიჭმა დაცემისას სხეულის დაზიანებები მიიღო. ის კლინიკა გორმედში გადაიყვანეს. ექიმის თქმით, კლინიკაში შეყვანისას მოზარდს წვივის ძვლის მოტეხილობა და სახის არეში ესკორაციები აღენიშნებოდა.

"მას ჩაუტარდა შესაბამისი კვლევები, წვივის მოტეხილობის გამო, კიდურზე თაბაშირის ნახვევი დაედო და დაუმუშავდა სახის არეში არსებული ესკორაციები. პაციენტი გაეწერა კლინიკიდან და გააგრძელებს ამბულატორიულ მკურნალობას", — თქვა ტრავმატოლოგმა, კოტე ლაცაბიძემ.