ენმ-ს წევრი, ნიკა მელია ამბობს, რომ 2 ოქტომბერს საარჩევნო სუბიექტი თბილისის მასშტაბით აქციის ჩატარებას გეგმავს. თუმცა პარტიის რეგიონალური ოფისებიდან მოპოვებულ ინფორმაციაზე დაყრდნობით განმარტავს, რომ ამავე დღეს ქართულ ოცნებასაც აქვს აქცია დაგეგმილი და მოუწოდებს მას გაასაჯაროვოს აღნიშნული აქციის ზუსტი თარიღი:

"შეუძლებელია ერთ დღეს, ერთ სივრცეში, ერთ ქალაქში, ერთ ცენტრალურ უბნებში გაიმართოს 2 პოლიტიკური პარტიის დიდი აქცია. მივმართავ ქართულ ოცნებას, ერთი დღის ვადაში დაასახელოს ზუსტი თარიღი, თუ როდის გეგმავენ ისინი აქციის ჩატარებას, რამეთუ ჩვენ 2 ოქტომბერს ვგეგმავთ. წინააღმდეგ შემთხვევაში, თუ ისინი ხვალ, ამ დროისთვის ზუსტ თარიღს არ დაასახელებენ, კიდევ ერთხელ დადასტურდება, რომ ქართული ოცნება გახლავთ მხოლოდ და მხოლოდ პროვოკაციების ინსპირაციის წყარო".