ქართული ოცნებიდან წასულმა დეპუტატმა, ეკა ბესელიამ ყოფილ თანააპრტიელებთან, გედევან ფოფხაძესთან და ზვიად კვაჭანტირაძესთან ერთად პარტია შექმნა. ბესელიას თქმით, ეს იქნება ევროპულ კონსერვატიული მოძრაობა, რომელსაც "თავისუფლებისთვის" ერქმევა. მისივე თქმით, პარტიის ყრილობა 20 ივნისს გაიმართება.

"ქვეყანა ამ ორი ძალის პოლიტიკური ჭიდილიდან უნდა გამოვიდეს. უნდა შეიქმნას ახალი მოცემულობა, ახალი ძალა, რომელიც ყველა ასპექტს, ყველა საკითხს, სფეროს, ნიუანს გადაწყვეტს სწორედ სამართლიანობის იდეით. დღეს დასაცავია ეს იდეა", — განაცხადა ბესელიამ.

დეპუტატების თქმით, საარჩევნოდ ფართო ტიპის კოალიციის შექმნას არ გამორიცხავენ. თუმცა, მათივე თქმით, "გამორიცხულია თანსმშრომლობა იმ პერსონალიებთან, რომლებიც ასოცირდებიან ძალადობრივ რეჟიმთან".

ბესელიამ "ალტერნატიული ძალის" შექმნა ერთი კვირის წინ დააანონსა. დეპუტატი ამბობდა, რომ ამ პარტიის მიზანი ხელისუფლების შეცვლაა.