ნინოსხევის ჩანჩქერთან მდინარეში ჩავარდნილ 16 წლის გოგოს საგანგებო სიტუაციების მართვის სამსახური ეძებს. ის ერთ-ერთი მათგანია იმ მოსწავლეებს შორის, რომელიც ექსკურსიაზე იყო.

"ერთ-ერთი მათგანი მდინარეში ჩავარდა და სწრაფმა დინებამ წაიღო", — აღნიშნავენ საგანგებო სიტუაციების მართვის სამსახურში.

უწყებაში განმარტავენ, რომ ცუდი ხილვადობა, სწრაფი დინება და რთული მეტეოროლოგიური პირობებია, თუმცა მიმდინარეობს როგორც ზედაპირული — სახმელეთო დათვალიერება, ისე — წყალში.

"ხმელეთსა და წყალში საძიებო სამუშაოები გოგოს პოვნამდე, 24-საათიან რეჟიმში გაგრძელდება", — განმარტავს უწყება.