ფაშისტური მოძრაობის, საქართველოს ეროვნული ერთობის ლიდერს, გიორგი ჭელიძეს თბილისის საქალაქო სასამართლომ 3 წლითა და 6 თვის ვადით თავისუფლების აღკვეთა მიუსაჯა. ჭელიძეს საბრძოლო მასალის შეძენა-შენახვა ედება ბრალად.

საქმის მასალების თანახმად, ბრალდებულმა მართლსაწინააღმდეგოდ შეიძინა 23 ცალი ქარხნული წესით დამზადებული ვაზნა, რომელიც განკუთვნილი იყო განკუთვნილი 7,62 მმ კალიბრის "კალაშნიკოვის" ავტომატებისათვის, კარაბინისათვის, ხელის ტყვიამფრქვევებისათვის და სხვა. გამოძიების ინფორმაციით, აღნიშნულ ვაზნებს ბრალდებული საცხოვრებელ სახლში მართლსაწინააღმდეგოდ ინახავდა. ბრალდებული თავს დამნაშავედ არ მიიჩნევს.

გიორგი ჭელიძე შინაგან საქმეთა სამინისტომ ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ბრალდებით პირველ 2018 წლის სექტემბერს დააკავა.

სამართალდამცველებმა გამოძიება სოციალურ ქსელში მოძრაობა საქართველოს ეროვნული ერთობის გვერდზე გავრცელებული ვიდეოს საფუძველზე დაიწყეს. ვიდეოში, რომელიც ფაშისტურმა დაჯგუფებამ სოციალურ ქსელში გაავრცელა, ჩანს თუ როგორ ვარჯიშობენ იარაღის სროლაში ორგანიზაციის აქტივისტები.