იუსტიციის საბჭოს სამმა წევრმა ვასილ მშვენიერაძემ, ირაკლი ბონდარენკომ და რევაზ ნადარაიამ მოსამართლეთა შესარჩევ კონკურში მონაწილეობაზე უარი თქვეს და კანდიდატურები მოხსნეს. იუსტიციის საბჭოს წევრებიდან კონკურსში მონაწილეობას მხოლოდ გიორგი მიქაუტაძე მიიღებს. მას საქალაქო სასამართლოს ადმინისტრაციულ პალატაში უვადოდ დანიშვნა სურს.

საქართველოს იუსტიციის საბჭოს დღევანდელ სხდომაზე მოსამართლეობის კანდიდატების შესარჩევი კონკურსის კენჭისყრა გაიმართება. კანდიდატურების მოხსნის შემდეგ საბჭომ 43 ვაკანტური თანამდებობა 75 კანდიდატისგან უნდა დააკომპლექტოს.

საბჭომ კონკურსი რამდენიმე თვის წინ გამოაცხადა, გასაუბრება ყველა კანდიდატთან, დაახლოებით 6 თვის შემდეგ დასრულდა. სწორედ ეს გახდა, საბჭოს არამოსამართლე წევრების ბრალდებების საფუძველი. ისინი, საბჭოს მოსამართლე წევრებს, კონკურსის მიზანმიმართულ გახანგრძლივებაში ადანაშაულებენ და პროცესს უზენაეს სასამართლოში მოსამართლეთა შერჩევის პროცესს უკავშირებენ.