გეი სიყვარულზე გადაღებული ქართულ-შვედური მხატვრული ფილმის And Then We Danced საქართველოს კინოთეატრებში ჩვენებაზე მოლაპარაკებები მიმდინარეობს.

როგორც კინოთეატრების პრესსამსახურში On.ge-ს უთხრეს, ვინაიდან, ფილმის წარმომადგენლები კანში არიან, მოლაპარაკებები გაიწელა. თუმცა, პრესსამსახურში ამბობენ, რომ სურთ, ფილმი საქართველოშიც აჩვენონ. მათივე თქმით, ფილმის ჩვენებასთან დაკავშირებით ყველა დეტალი შემოქმედებითი ჯგუფის საქართველოში დაბრუნების შემდეგ გახდება ცნობილი.

და ჩვენ ვიცეკვეთ მსოფლიო პრემიერმა 16 მაისს კანის რიგით 72-ე კინოფესტივალზე გაიმართა. ფილმი კანის კინოფესტივალის Director’s Fortnight სექციაში, 25 ფილმს შორის მოხვდა. პირველი ქართული სასიყვარულო გეი დრამის რეჟისორი ლევან აკინია, რომელიც წარმოშობით საქართველოდანაა.

ამავე თემაზე: