სტივენ კინგი სამეფო კარის თამაშების ფინალური სეზონით კმაყოფილია

თქვენგან განსხვავებით, ამერიკელი მწერალი სტივენ კინგი GOT-ის ფინალური სეზონით კმაყოფილია.

იმის პარალელურად, რომ ასობით ათასი ადამიანი პეტიციით მე-8 სეზონის ხელახლა გადაღებას ითხოვს, GOT-ის ხმამაღალმა გულშემატკივარმა შოუს მხარდაჭერა გამოუცხადა:

"მომეწონა სამეფო კარის თამაშების ბოლო სეზონი, მათ შორის ისიც, რომ დეინერისმა მეფის სავანე გაანადგურა. [სერიალმა] დიდი კრიტიკა მიიღო, მაგრამ, ჩემი აზრით იმიტომ, რომ ხალხს მისი დასრულება არ უნდა. თუმცა, ხომ იცით, როგორ ამბობენ: ყველაფერი კარგი..."

I've loved this last season of GoT, including Dani going bugshit all over King's Landing. There's been a lot of negativity about the windup, but I think it's just because people don't want ANY ending. But you know what they say: All good things...
— Stephen King (@StephenKing) May 16, 2019

კინგმა, რომელიც თავად საშინელებათა ჟანრის მწერალია, სავარაუდოდ, იგულისხმა, რომ ყველაფერი კარგი საბოლოოდ სრულდება.

რაც შეეხება მის მოსაზრებას, სიმართლის მარცვლის პოვნა რთული არაა — იმ ეპოქაში, სადაც ფანების თეორიები და მოსაზრებები სუპერ-პოპულარულია, ალბათ ძალიან რთულია ისეთი შოუსთვის იდეალური დასასრულის შექმნა, როგორიც არის სამეფო კარის თამაშები.

მაყურებელს უახლოეს მომავალში ისღა დარჩენია, რომ მეექვსე, საბოლოო სერიას დაელოდოს. სამომავლო პერსპექტივაში კი, ვინ იცის, იქნებ HBO-მ 790 ათასი ფანის მოთხოვნა გაითვალისწინოს.

ამავე თემაზე:

ბოლო ამბები:

გირჩევთ