თბილისის საქალაქო სასამართლომ ნაწილობრივ დააკმაყოფილა ანა ბაგრატიონ-გრუზინსკის სარჩელი დავით ბაგრატიონ-მუხრანელი წინააღმდეგ. მხარეთა შორის დავის საგანი ქორწინების პერიოდში შეძენილ ქონებაზე თანამესაკუთრედ ცნობა და ქონების განკარგვით მიღებული სარგებლის მიღება იყო.

კერძოდ, საქმე ეხებოდა ქორწინების პერიოდში, დავით ბაგრატიონის მიერ შეძენილ სამ სატრანსპორტო საშუალებას (PORSCHE CAYENNE, BMW X5, MERCEDES-BENZ GL 450), რომელთა საშუალო საბაზისო ღირებულება, მოსარჩლის განცხადებით წარმოადგენდა $68000-ს. სასამართლომ ანა ბაგრატიონ-გრუზინსკი თანამესაკუთრედ ცნო PORSCHE CAYENNE-სა და MERCEDES-BENZ GL 450-ის ნაწილში.

დავით ბაგრატიონს-მუხრანელის ანა ბაგრატიონ-გრუზინსკის სასარგებლოდ MERCEDES-BENZ GL 450-ის გასხვისებით მიღებული სარგებლის 1/2 ნაწილის, კერძოდ 15 500 ლარის გადახდა დაეკისრა. რაც შეეხება BMW X5-ს სასამართლომ ანა ბაგრატიონ-გრუზინსკის მოთხოვნა არ დააკმაყოფილმა და ამ ნაწილში გაუქმდა სარჩელის უზრუნველყოფის სახით გამოყენებული ყადაღა.