ვარსკვლავური ომების მესამე ტრილოგიის ბოლო, მეცხრე ეპიზოდს კინოთეატრებში ამ წლის დეკემბერში ვიხილავთ. როგორც ჩანს, შემქმნელები დიდი ხნით არ მოგვაწყენენ და ვარსკვლავური ომების ახალი ტრილოგიის გამოსვლა 2022 წლიდან დაიწყება.

დისნეის ინფორმაციით, ახალი ეპიზოდები 2022, 2024 და 2026 წლებში გამოვა. ახალ ფილმებთან დაკავშირებით კომპანია დეტალებს არ ასაჯაროებს, მაგრამ ცნობილია, რომ ვარსკვლავური ომების ორი სერიალი შეიქმნება. მათგან ერთ-ერთს უკანასკნელი ჯედაის რეჟისორი, რაიან ჯონსონი უხელმძღვანელებს, ხოლო მეორეს სამეფო კარის თამაშების შემქმნელები, დევიდ ბენიოფი და დევიდ ვაისი ჩაუდგებიან სათავეში.