პარლამენტში შრომის უსაფრთხოების საკითხებზე მომუშავე თემატური მოკვლევის ჯგუფი შეიქმნება, რომელიც შრომის უსაფრთხოების საკითხებს დეტალურად შეისწავლის და რეაგირებას მოახდენს. ამის შესახებ საქართველოს პარლამენტის მიერ გავრცელებულ განცხადებაშია ნათქვამი.

ამავე განცხადებით, ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე გადაწყვეტილება, მას შემდეგ მიიღეს, რაც სხვადასხვა უწყების მიერ წარმოდგენილ შუალედური ანგარიშების მიხედვით ამ მიმართულებით ბევრი გამოწვევა დაფიქსირდა.

ადამიანის უფლებათა კომიტეტის თავმჯდომარემ, სოფო კილაძემ განაცხადა, რომ ბევრია სამუშაო, რათა ქვეყანას სამუშაო ადგილზე დაღუპულები არ ჰყავდეს.