მმართველი პარტიის დეპუტატ მამუკა მდინარაძეს ჰგონია, რომ ბოლო პერიოდში მედია ისეთ თემებს აქცევს ყურადღებას, როგორებსაც საახალწლო ეთერი, კურიოზებში უშვებენ. დეპუტატი პრეზიდენტ სალომე ზურაბიშვილის მიერ აშშ-ს პრეზიდენტის, დონალდ ტრამპის ტვიტის გაზიარებას გამოეხმაურა.

მამუკა მდინარაძემ ჟურნალისტებს განუცხადა, რომ გარკვეულ უხერხულობაში ეთანხმება, თუმცა "მექანიკურ შეცდომაზე ასეთი ამბის ატეხვა, სიუჟეტების კეთება და დღის თემად წარმოჩენა" ზედემტია.

"შემიძლია კომპლიმენტიც გითხრათ, როგორ შეგიძლიათ და აკავშირებთ ქართულ ამერიკულ ურთიერთობასთან რაღაც ტექნიკურ შეცდომას, როგორც მათ განმარტეს. მგონია უფრო სერიოზული საკითხებია, ვიდრე ტექნიკური შეცდომები, რაც ყველგან ხდება. ჩვენ გამოვიყვანთ, რომ ეს რაღაც საოცრება მოხდა. ტექნიკური შეცდომა ვინმემ დაუშვა თუ არა ეს მათ უნდა ჰკითხოთ", — ამბობს მდინარაძე.

საქართველოს პრეზიდენტის, სალომე ზურაბიშვილის ოფიციალურმა ანგარიშმა ტვიტერზე 29 აპრილს გააზიარა აშშ-ის პრეზიდენტის, დონალდ ტრამპის პოსტი, სადაც იგი აშშ-ის ყოფილ ვიცე-პრეზიდენტ ჯო ბაიდენს, — რომელიც ახლახანს ჩაება საპრეზიდენტო არჩევნებისთვის ბრძოლაში — "მძინარას" უწოდებს. მოგვიანებით პოსტი წაიშალა და პრეზიდენტის ადმინისტრაციაში განმარტეს, რომ სოციალური მედიის მენეჯერს შეეშალა.

ამავე თემაზე: