დღეს იღბლიან გოჭზე მოგიყვებით, რომელსაც ძალიან გაუმართლა და მოსიყვარულე ოჯახში მოხვდა.

საქმე ის არის, რომ სტივსა და დერეკს ეს სყვარელი არსება მინიატურული ჯიშის გოჭი ეგონათ და ცხოველს მოსიყვარულე გარემოში ზრდიდნენ. თუმცა, არ იცოდნენ, რომ მათი შინაური ცხოველი სინამდვილეში ფერმისთვის განკუთვნილი, დიდი ღორი იყო.

ფოტო: estherthewonderpig

მართალია, ესტერი სულაც არ არის ჯიბის გოჭი, მაგრამ ის იმდენად ჭკვიანი და მეგობრული ცხოველია, რომ თავისი ახალი ოჯახის წევრების ცხოვრების რადიკალურად შეცვლაც კი მოახერხა — ბიჭებმა ხორცზე უარი თქვეს და ვეგანები გახდნენ.

ფოტო: estherthewonderpig

ფოტო: estherthewonderpig

ამბავი კი აი, ასე დაიწყო: 2012 წლის ზაფხულს სტივს ძველი მეგობარი დაუკავშირდა და ჰკითხა, მინიატურული გოჭის აყვანა ხომ არ უნდოდა. მიუხედავად იმისა, რომ დერეკს სულაც არ სურდა სახლში ცხოველის მოყვანა, სტივი მაინც დათანხმდა შემოთავაზებას და სწორედ, ასე მოხვდა ესტერი მათ პატარა ოჯახში.

ორი წლის შემდეგ ესტერს ჯანმრთელობის პრობლემები შეექმნა. სრულ დიაგნოსტიკასა და მკურნალობაში კი სამწუხაროდ თავისი მასიური ზომები უშლიდა ხელს. კეთილი ადამიანების დახმარებით ეს პრობლემაც მალევე მოგვარდა — ღორის დასახმარებლად ათასობით დოლარი შეგროვდა, რომლის დიდი ნაწილიც სხვა უპატრონო ცხოველების დასახმარებლად დაიხარჯა.

ფოტო: estherthewonderpig

ღორი ახლა კარგად არის. სტივი და დერეკი კი კიდევ უფრო შორს წავიდნენ და საცხოვრებელი ადგილიც შეიცვალეს. ისინი ფერმის ტიპის სახლში გადავიდნენ, სადაც ესტერისნაირი გიგანტური ღორისთვის გაცილებით დიდი სივრცეა სამოძრაოდ.

ფოტო: estherthewonderpig

ესტერს ფერმაში ერთგული მეგობარიც ჰყავს:

ფოტო: estherthewonderpig

ეს საყვარელი ღორი ერთი ნახვით შეგიყვარდათ? მაშინ, გამოიწერეთ ის ინსტაგრამზე, სადაც ნახევარ მილიონზე მეტი გამომწერი ჰყავს და ადევნეთ თვალი მხიარული ფერმის ბინადრების, ძალიან საინტერესო და სახალისო ცხოვრებას.