ქართული ოცნების თავმჯდომარე, მამუკა მდინარაძე ამბობს, რომ საქართველოში ბიზნესი ნამდვილად თავისუფალია. ასე გამოეხმაურა მდინარაძე ამერიკელი კონგრესმენის კანონპროექტს, რომლითაც საქართველოს წინააღმდეგ, შესაძლოა, სანქციები ამოქმედდეს.

"როდესაც ჩვენი უცხოელი პარტნიორები, მაგალითად, სახელმწიფო დეპარტამენტის ანგარიშს გავიხსენებ, აღმოჩნდნენ უხერხულ მდგომარეობაში, ეს უხერხულობა გამოიწვია ჩვენი კოლეგების და რამდენიმე არასამთავრობო ორგანიზაციის არასწორმა ინფორმაციამ და ამ შემთხვევაში, სახელმწიფო დეპარტამენტის ანგარიშშიც კი ჩასწორება მოხდა. ეს უხერხულობა მე მგონია, რომ უნდა აიცილონ ხოლმე ჩვენმა კოლეგებმა საქართველოში", — ამბობს მდინარაძე.

მისივე თქმით, არ არის ისეთი მდგომარეობა და რეალობა, რომ საქართველოს მთავარმა სტრატეგიულმა პარტნიორებმა რაიმე სანქციების დაწესებაზე დაიწყონ ლაპარაკი.

კანონპროექტის ტექსტის მიხედვით, საქართველოს წინააღმდეგ სანქციები იმ შემთხვევაში ამოქმედდება, თუ დადგინდება, რომ მთავრობის ქმედებები არღვევს ამერიკელ ბიზნესმენებთან დადებულ ხელშეკრულებებსა და აღებულ ვალდებულებებს.