დღეს, საავტორო კინოს ბათუმის საერთაშორისო ფესტივალზე (BIAFF), 19:00 საათზე, კინოთეატრ აპოლოში, პოლონელი რეჟისორის, ენტონი კრაუზეს ფილმის სმოლენსკის ჩვენება შედგება.

ფილმის პრემიერა სექტემბრის დასაწყისში შედგა ვარშავაში, BIAFF კი პირველი კინოფესტივალია, სადაც კრაუზეს კინოსურათს აჩვენებენ.

ფოტო: Kino Świat

ფილმი 2010 წელს სმოლენსკში მომხდარ ტრაგედიას ეძღვნება, ავიაკატასტროფას, რომლის შედეგად პოლონეთის პრეზიდენტი ლეხ კაჩინსკი, მისი მეუღლე და ბორტზე მყოფი 96-ვე ადამიანი გარდაიცვალა.

ფილმის მთავარი პერსონაჟი ჟურნალისტია, რომელიც სმოლენსკის ტრაგედიის მიზეზებს იძიებს.

სპეციალურად პრემიერისათვის ბათუმში ფილმის პროდიუსერი მაციეი პავლიცკი და ლეხ კაჩინსკის როლის შემსრულებელი მსახიობი ლეხ ლოტოცკი ჩამოვიდნენ.