პრეზიდენტის პრესსპიკერის, ხატია მოისწრაფიშვილის განცხადებით, ლაშა ჟვანია ადმინისტრაციაში იმ პირობით მივიდა, რომ მენეჯმენტის დალაგების შემდეგ, უკან, საპატრიარქოში დაბრუნებას შეძლებდა. ამის შესახებ მოისწრაფიშვილმა პრესკონფერენციაზე განაცხადა.

მოისწრაფიშვილის ინფორმაციით, ლაშა ჟვანია პრეზიდენტის ადმინისტრაციის ხელმძღვანელის პოსტზე პირველ მაისამდე რჩება და ამის შემდეგ დაბრუნდება საპატრიარქოში.

"არ ვადასტურებ არანაირ დაპირისპირებას... იცით, რომ სულ ახლახანს დასრულდა რეორგანიზაციის პროცესი ადმინისტრაციაში და გარდა ამისა, ადმინისტრაციული ხელშეკრულებით დასაქმებულები ვართ გარკვეული ვადით, 6-თვიანი პერიოდით, მათ შორის მეც. ასე რომ აქ გასაკვირი და უცნაური პროცესი არ მიმდინარეობს", — თქვა მოისწრაფიშვილმა.

პრეზიდენტის ადმინისტრაციის ხელმძღვანელმა, ლაშა ჟვანიამ თანამდებობას დატოვების შესახებ განცხადება 19 აპრილს გაავრცელა. ჟვანიამ Facebook-ზე დაწერა, რომ იგი პატრიარქის ფონდში ბრუნდება.