"ბავშვის შიმშილისა და თვითმკვლელობის ურთიერთკავშირი არის ქვეყნის ტრაგედია და სახელმწიფოს სირცხვილი", — ამ სიტყვებით საქართველოს პრეზიდენტი სალომე ზურაბიშვილი მარტვილში 15 წლის ბიჭის თვითმკვლელობას გამოეხმაურა. მედიის ნაწილმა ინფორმაცია გაავრცელა, თითქოს ბავშვი თვითმკვლელობამდე შიმშილისა და გაჭირვების გამო მივიდა, ნაწილმა კი აღნიშნული ინფორმაცია უარყო.

პრეზიდენტმა ჯანდაცვის სამინისტროსა და სოციალური უზრუნველყოფის სამსახურს მიმართა, რათა სოციალურად დაუცველი და უკიდურესად ღარიბი ოჯახების აღწერა დაიწყო, ხოლო ამ ოჯახების ბავშვებისთვის მიღებულ იქნას განსაკუთრებული ზომები

"მე ვიზიარებ გარდაცვლილის ოჯახის მწუხარებას და ბოდიშს ვუხდი, როგორც ამ ქვეყნის მოქალაქე. ამავდროულად უნდა ვთქვა ისიც, რომ სირცხვილად მიმაჩნია ასეთი ტრაგედიის პოლიტიკური ნიშნით გამოყენება", — აღნიშნა ზურაბიშვილმა.