უკრაინის პრეზიდენტობის კანდიდატმა ვლადიმერ ზელენსკიმ ეგზიტპოლის შედეგების შემდეგ გამართულ ბრიფინგზე მადლობა გადაუხადა ოჯახს და შეპირდა ყველას, რომ იმედს არასოდეს გაუცრუებს მათ.

"ჩვენ ეს ერთად შევძელით", — თქვა ზელენსკიმ და ცოლზე საუბრისას ხუმრობით დაამატა: "ჩემს ცოლს რომ გაეგო ის ყველაფერი, რაც მანამდე ჩემს შესახებ თქვეს, ალბათ, ცოლად არ გამომყვებოდა". ვოლოდიმირ ზელენსკიმ მადლობა გადაუხადა სამართალდამცავებს ერთგულებისთვის.

უკრაინის საპრეზიდენტო არჩევნების ეროვნული ეგზიტპოლის 18 საათის მონაცემებით, ვოლოდიმირ ზელენსკიმ ამომრჩეველთა ხმების 73,2 პროცენტი მიიღო, ხოლო უკრაინის ამჟამინდელმა პრეზიდენტმა პეტრო პოროშენკომ — 25,3 პროცენტი.