უკრაინის საპრეზიდენტო არჩევნების ეგზიტპოლის შედეგებით, 18 საათის მონაცემებით, ვოლოდიმირ ზელენსკიმ ამომრჩეველთა ხმების 73,2 პროცენტი მიიღო, ხოლო უკრაინის ამჟამინდელმა პრეზიდენტმა პეტრო პოროშენკომ — 25,3 პროცენტი. უნიანის კორესპონდენტის ცნობით, ასეთია ეროვნული ეგზიტპოლის 2019-ის შედეგები. ეგზიტპოლი ილკო კუჩერივის სახელობის დემოკრატიური ინიციატივების ფონდმა, კიევის სოციოლოგიის საერთაშორისო ინსტიტუტმა და რაზუმკოვის ცენტრმა ჩაატარა.

TSN-ის მიერ ჩატარებული ეგზიტპოლის 18 საათის ინფორმაციით, ვოლოდიმირ ზელენსკიმ ხმების 72,7 პროცენტი მიიღო, პეტრო პოროშენკომ კი ხმების 27,3 პროცენტი.

TSN-ის ეგზიტპოლი საპრეზიდენტო არჩევნების მიმდინარეობისას კვლევითმა კომპანიებმა, Kantar TSN-მა და Info Sapiens-მა ჩაატარეს, არხის 1+1 დაკვეთით ამავე ეგზიტპოლის შედეგმა აჩვენა, რომ ვოლოდიმირ ზელენსკიმ მეორე ტურში პეტრო პოროშენკო ყველა რეგიონში დაამარცხა.

ზელენსკის პოლიტიკური კურსი

ვლადიმერ ზელენსკი ყველაზე ახალგაზრდა და ახალბედა კანდიდატია. ზელენსკი წინასაარჩევნო პერიოდში აცხადებდა, რომ უკრაინის პრეზიდენტის ოფისში იგი მხოლოდ ერთი ვადით დარჩება და მეორე ვადაზე კენჭისყრას არც შეეცდება. გამარჯვების შემთხვევაში, პირველივე კანონით ზელენსკი პირდაპირი დემოკრატიის დამყარებას შეეცდება. მისი მიზანია, ხელისუფლების წინაშე არსებული ამოცანები ხალხმა პირდაპირი წესით, რეფერენდუმით განსაზღვროს.

ვლადიმერ ზელენსკის პრიორიტეტებშია, სოციალური პროგრამები და სახელმწიფო მხარდაჭერის გაზრდა მოსახლეობის გაჭირვებული ნაწილისთვის. საარჩევნო პროგრამის მიხედვით, უკრაინა მსოფლიოში წამყვან სასურსათო ეკო სუპერმარკეტად უნდა იქცეს. ასევე, ზელენსკი დონბასისა და ლუგანსკის რეგიონში კონფლიქტის მშვიდობიანი გზით გადაჭრის პირობას დებს.

ამავე თემაზე: