პარლამენტმა მესამე მოსმენით დაამტკიცა კანონპროექტი, რომლის მიხედვითაც იკრძალება უცხო ქვეყანაში უკანონოდ დარჩენის მიზნით საქართველოს მოქალაქის დახმარება. ასევე, დასჯადი გახდა ფინანსური დაინტერესების მიზნით საქართველოს მოქალაქისთვის უსაფუძვლოდ თავშესაფრის მიღებაში დახმარების აღმოჩენა.

როგორც უმრავლესობის წევრმა, დიმიტრი ცქიტიშვილმა On.ge-ს განუცხადა, სასჯელი 2-დან 4 წლამდე პატიმრობას გაითვალისწინებს. ჯგუფის მიერ დანაშაულის განმეორებით ჩადენაზე კი, 6-წლიანი პატიმრობა იქნება გათვალისწინებული.