სახელმწიფო უსაფრთხოების სამსახურის ინფორმაციით, ქრთამის აღების ბრალდებით ფინანსთა სამინისტროს შემოსავლების სამსახურის საბაჟო დეპარტამენტის მებაჟე ოფიცერი დააკავეს. უწყების განცხადებით, ოფიცერი საქართველოს მოქალაქეს დაპირდა სარფის საბაჟო პუნქტის გავლით არადეკლარირებული საქონლის მალულად შემოტანას, რისთვისაც ეტაპობრივად 5 000 ლარი გამოართვა.

საქმეზე გამოძიება საქართველოს საქართველოს სისხლის სამართლის კოდექსის 338-ე მუხლის 1-ლი ნაწილით მიმდინარეობს, რაც ქრთამის აღებას გულისხმობს. მუხლი სასჯელის სახით 6-დან 9 წლამდე თავისუფლების აღკვეთას ითვალისწინებს.