თბილისის მერის მოადგილის, ილია ელოშვილის თქმით, ტაქსის მძღოლებს მანქანების თეთრად გადაღებვის ვალდებულება აღარ ექნებათ. ამის შესახებ მან რამდენიმე წუთის წინ განაცხადა.

მისი თქმით, ტაქსის მძღოლებს შეეძლებათ მანქანას გადაღებვის ნაცვლად თეთრი ფერის ფირი გადააკრან. თბილისის მერმა, კახა კალაძემ კი განმარტა, რომ ტაქსის მძღოლებს მათ მიერ შეთავაზებული ალტერნატივა მოეწონათ.

ტაქსის მძღოლებმა აქცია რამდენიმე დღის წინ გამართეს და განაცხადეს, რომ თეთრად გადაღებვის შემთხვევაში ხარჯი მერიის მიერ გადაცემული ვაუჩერით სრულად ვერ იფარებოდა. გარდა ამისა, მათი განმარტებით, გადაღებილი მანქანის ფასი გადაუღებავთან შედარებით დაბალია. მერის მოადგილემ განმარტა, რომ ვაუჩერით მძღოლებს შეუძლიათ ფირის გადაკვრის მომსახურება მიიღონ