მმართველი პარტიის დამფუძნებელი ბიძინა ივანიშვილი დღეს ტელეეთერებში გასული სერიალების ხარისხით უკმაყოფილოა. ის ამბობს, რომ მათ მდარე ხარისხი აქვთ.

მისი თქმით, ქართუ ფონდი, რომელიც მას ეკუთვნის, ქართული ფილმებსა და სერიალებს დააფინანსებს. ამის შესახებ მან ტელეკომპანია იმედის ეთერში ისაუბრა.

"ის, რაც ხდება, თუ დიდხანს გაგრძელდა, ჩვენ შეიძლება, არავის შეურაცხყოფა არ მინდა მივაყენო, მაგრამ სხვა საზოგადოება მივიღოთ, გამოთაყვანებული. შესაბამისად, ჩვენ ჩვენის მხრივ, რასაც ვცდილობთ და რასაც ვაკეთებთ, გადაწყვეტილებაც მიღებული გვაქვს, კინო ინდუსტრია უნდა აღორძინდეს. საქართველოში უნდა დაიწყოს ქართული ფილმების გადაღება, მათ რიცხვში სერიალებისაც და ისტორიული სერიალებისაც. ჩვენ გვაქვს გენიალური ისტორია", — თქვა ივანიშვილმა.

მისი თქმით, დღეს ტელევიზიები "იაფი ტრიუკებით" ცდილობენ ფულის შოვნას.