ქართულ ოცნებაში დაბრუნებულმა ირაკლი ღარიბაშვილმა ზუგდიდის მერობის კანდიდატის მოსახლეობასთან წარდგენისას, ხელისუფლებაში მოსვლის 7-წლისთავზეც, "9-წლიან რეჟიმზე" ისაუბრა. მისი თქმით, ამ პერიოდის გახსენებით ხშირად საყვედურობენ უმრავლესობას, თუმცა ამბობს, რომ მიზეზი "რევანშისტული" და "დესტრუქციული ძალები" არიან.

"არ მინდოდა ამ თემაზე საუბარი, მაგრამ ვითარება არის ისეთი, ისეთი მოცემულობა გვაქვს ქვეყანაში, რომ აუცილებელია ამაზე კონცენტრაცია და ანალიზი, ეს არის დესტრუქციული, არა კონსტრუქციული, რევანშისტული ოპოზიცია, რომელიც კარგს არაფერს არ მოუტანს ჩვენს ქვეყანას და ჩვენს ხალხს", — განაცხადა ღარიბაშვილმა ყოფილ ხელისუფლებაზე საუბრისას.

მისი თქმით, მათი პოლიტიკური ძალა არასდროს დაუშვებს, რომ მათ ხელისუფლებაში დაბრუნებას.