ყურადღება! ძალიან მალე ეკრანებზე ზამთარი ისევ დაბრუნდება, რადგან Warner Bros. Game of Throne-ის სამყაროზე ახალი ფილმის გადაღებას გეგმავს.

Hollywood Reporter-ის ცნობით, ფილმის სცენარისტი ბო უილიმონია (House of Cards-ისა და Andor-ის შემქმნელი). როგორც ცნობილია, უილიმონმა სცენარის მონახაზი ჯორჯ მარტინის წიგნების მიხედვით დაწერა და წარადგინა კიდეც. ჯერჯერობით უცნობია, ვინ იქნება ფილმის რეჟისორი და ვინ შეიძლება ვიხილოთ მთავარ როლებში.

ფოტო: HBO

გავრცელებული ინფორმაციით, ფილმი დიუნის მსგავსად გრძელი ქრონომეტრაჟის იქნება და მოგვითხრობს მეფე ეიგონ I ტარგარიენის მიერ ვესტეროსის დაპყრობას (აღნიშნული ისტორია Game of Thrones-ის მოვლენებამდე 300 წლით ადრე მოხდა).

აღსანიშნავია ისიც, რომ ამ ეტაპზე უცნობია, დაახლოებით როდის შეძლებენ ფილმის გადაღებას, ვინაიდან კომპანია Warner Bros.-ს შეძენას Paramount Skydance გეგმავს. თუკი ეს გარიგება შედგება, შესაძლოა ფილმის გადაღება გაურკვეველი ვადით გადაიდოს. ამავდროულად, Paramount-ის აღმასრულებელმა დირექტორმა, დეივიდ ელისონმა, თქვა, რომ ამ ორი კომპანიის შეერთების შემდეგ, 30-ზე მეტი ფილმის გამოშვებას გეგმავს.

ფოტო: Rolling Stone

მანამდე კი, შეგიძლიათ თვალი ადევნოთ HBO-ს ახალ სერიალს შვიდი სამეფოს რაინდს, რომელშიც სიუჟეტი GOT-ის მოვლენებამდე დაახლოებით ერთი საუკუნით ადრე ვითარდება, ხოლო House of the Dragon-დან დაახლოებით 70 წელია გასული.

გარდა ამისა, House of Dragon-ის მაყურებლები სერიალის ახალ სეზონს სულ მალე, 2026 წლის ივლისში ვიხილავთ.

ასევე ნახეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…