ქალები ბიზნესში (WiB) პროგრამის ფარგლებში, 17 მარტს, 12 საათზე პროკრედიტ ბანკში ქალ მეწარმეებთან შეხვედრა გაიმართება.

ღონისძიება განკუთვნილია იმ მეწარმე ქალებისთვის, რომლებსაც საკუთარი ბიზნესი აქვთ ან კომპანიის მენეჯმენტში ლიდერის ფუნქციას ასრულებენ, კომპანიის ზომისა და განვითარების ეტაპის მიუხედავად.

ღონისძიების მთავარი სპიკერი იქნება თინათინ რუხაძე — ეისითი გლობალის (ACT Global) მმართველი პარტნიორი. მისი მასტერკლასი თემაზე — გაბედე, რომ გაიზარდო! შეეხება არჩევანსა და იმ შინაგან გარდატეხას, რომელიც ცვლის ჯერ ლიდერს და შემდეგ მის ბიზნესს. ეს არის თემატიკა მასშტაბურად ფიქრისა და მოქმედების გაბედულებაზე — გაბედო და იყო ის, ვინც სინამდვილეში ხარ.

შეხვედრის ფარგლებში ასევე გაიმართება ქალები ბიზნესში (WiB) პროგრამის შესაძლებლობებისა და ფინანსური ინსტრუმენტების მიმოხილვა და ღია დიალოგი მონაწილეებთან.

დასწრება უფასოა, თუმცა აუცილებელია რეგისტრაცია, რადგან ადგილები შეზღუდულია.

Women in Business (WiB) პროგრამა ქალთა ეკონომიკური გაძლიერების ერთ-ერთი მნიშვნელოვანი ინიციატივაა, რომელიც პროკრედიტ ბანკის, ევროკავშირის, შვედეთის და EBRD-ის თანამშრომლობით ხორციელდება და ქალი მეწარმეების მრავალმხრივ მხარდაჭერას გულისხმობს. პროგრამის ფარგლებში პროკრედიტ ბანკმა ქალთა მიერ მართულ კომპანიებში უკვე 4 მილიონ ევროზე მეტი ინვესტიცია განახორციელა.

მის.: პროკრედიტ ბანკის სათაო ოფისი, ალ. ყაზბეგის 21

შეხვედრაზე დასასწრებად, გთხოვთ გაიაროთ რეგისტრაცია ბმულზე.