flightradar24-ის ცნობით, ახლო აღმოსავლეთში შექმნილი საომარი მდგომარეობიდან გამომდინარე შვიდ მთავარ აეროპორტში — დუბაის, ჰამადის (დოჰა), აბუ დაბის, შარჯის, ქუვეითის, ბაჰრეინის და ალ-მაქთუმის საერთაშორისო აეროპორტებში, ათასობით რეისი გაუმდა. მათივე ცნობით, გაუქმებული რეისების რაოდენობა 9500-სს აჭარბებს.

28 თებერვალს გაუქმდა 1,400+ რეისი;

1 მარტს — 3,400+ რეისი;

2 მარტს — 3,400+ რეისი;

3 მარტს — 1,300+ რეისი.

თუ ვივარაუდებთ, რომ თვითმფრინავში საშუალოდ 160 ადგილია, ეს ნიშნავს, რომ 1.5 მილიონზე მეტი მგზავრი დაზარალდა.

28 თებერვალს აშშ-ისრაელის მიერ ირანზე განხორციელებული იერიშების შემდეგ, ახლო აღმოსავლეთში რეისები გააუქმეს თბილისის და ქუთაისის აეროპორტებმა.

თბილისის აეროპორტიდან 2 მარტს, აღარ შესრულდა დუბაის ერთი და თელ-ავივის 4 რეისი, ხოლო ბათუმის აეროპორტიდან — 3 ფრენა თელ-ავივის მიმართულებით.

1-ელ მარტს თბილისის აეროპორტიდან აღარ შესრულდება 17 რეისი, ბათუმიდან — 4 ფრენა.

თბილისის საერთაშორისო აეროპორტიდან ფრენები აღარ შესრულდა თელ-ავივი (7 რეისი); შარჟას (2 რეისი); დუბაის (3 რეისი); დოჰას (3 რეისი); აბუ-დაბის (1 რეისი); ქუვეითის(1 რეისი); ამასთან, ბათუმის საერთაშორისო აეროპორტიდან გაუქმდა 4 ფრენა თელ-ავივის მიმართულებით.

28 თებერვალს თბილისის საერთაშორისო აეროპორტიდან ახლო აღმოსავლეთის მიმართულებით 11 რეისი გაუქმდა.

ამას გარდა, 2 მარტს, ოცნების ხელისუფლების საგარეო საქმეთა სამინისტრომ ახლო აღმოსავლეთის რეგიონში არსებული ვითარებიდან გამომდინარე, რიგი ქვეყნების საჰაერო სივრცის დახურვის გამო შექმნილი სამგზავრო შეფერხებებთან დაკავშირებით განცხადება გაავრცელა. მათი ცნობით, საქართველოს მოქალაქეებისთვის, რომელთა საქართველოში დაბრუნებასაც დროულად ვერ უზრუნველყოფენ შესაბამისი ავიაკომპანიები, შესრულდება სპეციალური რეისები. უწყების განმარტებით რეისები დაინიშნება მუსკატიდან (3 და 5 მარტს) და რიადიდან (4 მარტს).