აშშ-ის სახელმწიფო დეპარტამენტი მოუწოდებს ამერიკის მოქალაქეებს, რომლებიც ახლო აღმოსავლეთის ქვეყნებში იმყოფებიან, "უსაფრთხოების სერიოზული რისკების" გამო, რეგიონი კომერციული ტრანსპორტის საშუალებით სასწრაფოდ დატოვონ. ამის შესახებ ინფორმაციას BBC ავრცელებს.

ეს რეკომენდაცია ეხება მოქალაქეებს შემდეგ ქვეყნებსა და ტერიტორიებზე:

  • ბაჰრეინი,
  • ეგვიპტე,
  • ირანი,
  • ერაყი,
  • ისრაელი, დასავლეთ სანაპირო და ღაზის სექტორი.
  • იორდანია,
  • ქუვეითი,
  • ლიბანი,
  • ომანი,
  • კატარი,
  • საუდის არაბეთი,
  • სირია,
  • არაბთა გაერთიანებული საამიროები
  • იემენი.

შეგახსენებთ, 28 თებერვალს ისრაელმა და ამერიკის შეერთებულმა შტატებმა ირანის სხვადასხვა ობიექტზე კოორდინირებული ერთობლივი იერიში მიიტანეს. ოპერაციას ისრაელის მხრიდან "ლომის ღრიალი", ხოლო აშშ-ის თავდაცვის დეპარტამენტის მიერ — "ეპიკური მრისხანება" ეწოდა. დონალდ ტრამპმა ისლამური რესპუბლიკის ბირთვული პროგრამის განადგურების განზრახვის შესახებ გამოაცხადა. თავდასხმის სამიზნეს მაღალჩინოსნები, სამხედრო მეთაურები და სტრატეგიული ობიექტები წარმოადგენდნენ. იერიშები მიზნად რეჟიმის შეცვლას ისახავს. იერიშის შედეგად მოკლულია ირანის უმაღლესი ლიდერი აიათოლა ალი ხამენეი.