ოცნების პრემიერმა, ირაკლი კობახიძემ საქართველოში ვიზიტით მყოფ სომხეთის პრემიერ, ნიკოლ ფაშინიანს არაფორმალურ შეხვედრაზე კახეთში უმასპინძლა. შეხვედრის ამსახველი ფოტო და ვიდეომასალა თავად ნიკოლ ფაშინიანმა და ოცნების ხელისუფლების ეკონომიკის მინისტრმა, მარიამ ქვრივიშვილმა სოციალურ ქსელებში გაავრცელეს.

შეხვედრის შემდეგ, საქართველოში სტუმრად მყოფმა სომხეთის პრემიერმა ნიკოლ ფაშინიანმა კახეთში დასარტყამ ინსტრუმენტზეც დაუკრა.

ფაშინიანი საქართველოში დღეს ჩამოვიდა. თბილისის საერთაშორისო აეროპორტში მას ოცნების ხელისუფლების საგარეო საქმეთა მინისტრი, მაკა ბოჭორიშვილი დახვდა.

ოცნების ხელისუფლების მთავრობის ადმინისტრაციის ცნობით, ირაკლი კობახიძესთან შეხვედრის შემდეგ, მათივე თანათავმჯდომარეობით, საქართველო-სომხეთის ეკონომიკური თანამშრომლობის მთავრობათაშორისი კომისიის სხდომა გაიმართება.

სომხეთის პრეზიდენტი საქართველოს ხვალ დატოვებს.