Pixar-ის უახლესმა ფილმმა, Hoppers, კრიტიკოსებისგან შესანიშნავი შეფასებები მიიღო.

ანიმაციური ნამუშევარი, რომელიც კინოთეატრებში 6 მარტს გამოდის, 19 წლის მეიბელის შესახებ გვიამბობს. მთავარი გმირი თახვის გონებაში აღწევს და კოლონიას მათი საცხოვრებლის გადარჩენაში ეხმარება. Hoppers-ს სიუჟეტური მსგავსების გამო ავატარის ფილმებსაც ადარებენ.

ფოტო: Pixar

ფილმში პერსონაჟებს ისეთი ცნობილი მსახიობები ახმოვანებენ, როგორებიც არიან პაიპერ კურდა, ბობი მოინიჰანი, დეივ ფრანკო, ჯონ ჰემი და მერილ სტრიპი. კინოსურათმა კრიტიკული შეფასებების ვებგვერდზე, Rotten Tomatoes, თითქმის იდეალური შეფასება დაიმსახურა — ამ დროისთვის მისი რეიტინგი 97%-ს შეადგენს.

რასაკვირველია, ფილმის შეფასება დროის გასვლასთან ერთად შეიძლება შეიცვალოს, თუმდა ამჟამად ის 2017 წელს გამოსული კოკოს შემდეგ Pixar-ის საუკეთესო რეიტინგული ფილმია.

ფოტო: Pixar

შედარებისთვის, სათამაშოების ისტორიის პირველ ორ ნაწილს საიტზე 100%-იანი რეიტინგი აქვს, ხოლო ისეთმა პოპულარულმა ანიმაციებმა, როგორებიცაა სათამაშოების ისტორია 3, ნემოს ძიებაში და თავდაყირა, 98% დაიმსახურეს.

Hoppers 2026 წელს დაგეგმილი Pixar-ის ორი ფილმიდან პირველია. მას ივნისში სათამაშოების ისტორია 5 მოჰყვება.

ასევე იხილეთ:

Pixar-მა უკვე დააანონსა კიდევ ერთი ორიგინალი ფილმი — გატო (Gatto), რომელიც 2027 წელს გამოვა. გავრცელებული ინფორმაციით, სტუდია კიდევ ორ გაგრძელებაზე მუშაობს — The Incredibles 3 და კოკო 2.

გატო

გატო

ფოტო: Pixar

The Incredibles 2

The Incredibles 2

ფოტო: Pixar