ხანდახან ცხოვრებაში ყველაფერი ისე არ მიდის, როგორც ჩვენ გვსურს. უიღბლობამ შესაძლოა ჩვენი გეგმები შეცვალოს, მაგრამ კიდევ უფრო მძიმეა, როცა გაუთვალისწინებელი შემთხვევები მატერიალურ ზარალს გვაყენებს და უკან გვხევს.

ასეთ დროს ყველა ფიქრობს, როგორ შეამციროს ხარჯები, რათა კიდევ უფრო მეტად არ დაზარალდეს. ზოგიერთებს სესხების აღება უწევთ, ზოგიერთებს კი დანაზოგიდან თანხის მოკლება. თუმცა ისეთი იღბლიანი ადამიანებიც არსებობენ, რომლებიც უდიდეს ფინანსურ ზარალს დაზღვევამ გადაარჩინა. ჩვენ სწორედ ხუთ ასეთ საინტერესო შემთხვევაზე მოგიყვებით.

1. აშშ, ვირჯინია

ვირჯინიაში 2012 წელს მამაკაცს დაზღვევამ $7 მილიონის ზარალი აუნაზღაურა. ალბათ იფიქრებთ, რაიმე გრანდიოზული შეემთხვაო, მაგრამ საქმე სხვაგვარადაა. დაზარალებული ერთ-ერთ ქუჩაზე მიდიოდა, რა დროსაც ყინულზე ფეხი დაუცურდა და დაეცა. შედეგად მრავლობითი მოტეხილობები მიიღო, დასჭირდა რამდენიმე ოპერაცია და სარეაბილიტაციო პერიოდი.

მიღებული ზიანის გამო, ამერიკელმა კაცმა გადაწყვიტა დაზღვევისთვის მიემართა და ზარალის ასანაზღაურებლად $7 მილიონი მოითხოვა. მისი მოთხოვნა დაკმაყოფილდა, რადგან იმ ტერიტორიის მეპატრონეს, აშშ-ს კანონების მიხედვით, უნდა ეზრუნა საფეხმავლო გზის უსაფრთხოებაზე, მოეყარა მარილი ან მინიმუმ, გამაფრთხილებელი ნიშნები დაეყენებინა.

2. საქართველო

ფოტო: თიბისი დაზღვევა

შემთხვევითობისგან არავინაა დაზღვეული, თანაც უკვე ყველანი შევთანხმდით, რომ #შეცდომებიმოსულა, მაგრამ უიღბლობამ შესაძლოა ძალიან დიდი ზარალი მოგვაყენოს და გამოუვალ მდგომარეობაში აღმოვჩნდეთ. შეიძლება აუქციონზე მილიონ დოლარად შეფასებული ვაზა გაგვიტყდეს (როგორც ამ Gif-შია) ან 180 000 ევროს ღირებულების ლურჯ ავტობუსს დავეჯახოთ. ასეთი უიღბლობა ნებისმიერი ადამიანისთვის სტრესული იქნება და რაც მთავარია, ფინანსურად ძალიან დამაზიანებელი.

სწორედ ასეთი ისტორია გადახდა თავს საქართველოს ერთ-ერთ მოქალაქეს, რომელსაც დიდი ზარალის ანაზღაურება უწევდა. ის შემთხვევით შეეჯახა თბილისის ლურჯ სამგზავრო ავტობუსს. ავარიიდან მეორე დღეს მამაკაცს თიბისი დაზღვევიდან დაუკავშირდნენ და უთხრეს, რომ ის თიბისის ავტოპასუხისმგებლობის დაზღვევაში იყო ჩართული, ამიტომ ზარალის დიდ ნაწილს დაზღვევა აუნაზღაურებდა. ეს შემთხვევა იმით გამოირჩევა, რომ მძღოლმა ამის შესახებ არაფერი იცოდა და ფიქრობდა, რომ თავად მოუწევდა თანხის შეგროვება.

ალბათ ყველას გაგიჩნდებათ კითხვა, თუ როგორ აღმოჩნდა მძღოლი დაზღვეული, თუკი მან ამის შესახებ არაფერი იცოდა? — საქმე ისაა, რომ მოქალაქე ხშირი მომხმარებელია ვისოლის ბენზინგასამართ სადგურების, რის გამოც ვისოლისა და თიბისი დაზღვევის ერთობლივ აქციაში მოხვდა. აქციის თანახმად, მომხმარებლები, რომლებიც ერთი თვის განმავლობაში თიბისის ნებისმიერი ბარათით ვისოლის ქსელში 250 ლარის საწვავს ან ბუნებრივ აირს შეიძენენ, ვისოლისგან თიბისის ავტოპასუხისმგებლობის 1-თვიანი დაზღვევის 5000 ლარიანი პაკეტით დასაჩუქრდებიან.

3. ინგლისი, პეტერბოროუ

ატკინსონის ავტომობილი ავარიის შემდეგ

ატკინსონის ავტომობილი ავარიის შემდეგ

როდესაც როვან ატკინსონზე და ავტომობილზე ერთსა და იმავე კონტექსტში ვსაუბრობთ, ალბათ ყველას გვახსენდება მისტერ ბინის ის სერია, სადაც მსახიობი მანქანის სახურავზე დამაგრებულ სავარძელშია მოკალათებული. ამჯერად სხვა ისტორიას გიყვებით.

როგორც ჩანს, როვან ატკინსონი სინამდვილეშიც ისეთივე თავზეხელაღებული მძღოლია, როგორიც მისტერ ბინის როლში. 2013 წელს ის თავისი მაკლარენით, რომელიც 3.5 მილიონად არის შეფასებული, დიდი სიჩქარით მოძრაობის გამო ყინულზე მოსრიალდა და ავარიაში მოყვა. მსახიობმა ზარალის ასანაზღაურებლად სადაზღვევოს მიმართა, რომელმაც მას £910 000 აუნაზღაურა.

4. შოტლანდია, აბერდინი

ფოტო: Wikimedia

2007 წელს ავტომობილის საყიდლად მისულმა კაცმა გადაწყვიტა უფასო ტესტ-დრაივით ესარგებლა და Pagani Zonda S-ის შესაძლებლობები მოესინჯა. მისი განზრახვა წარუმატებელი აღმოჩნდა, რადგან სწრაფად მოძრაობისას საჭე ვერ დამოირჩილა და ბარიერებს შეასკდა.

მას 300 000 ფუნტ-სტერლინგის გადახდა მოუწევდა საავტომობილი ფირმისთვის, თუმცა საბედნიეროდ მანქანა წინასწარ იყო დაზღვეული და კაცი უდიდეს ზარალს გადაურჩა. ცნობისთვის, Pagani Zonda S-ის მოდელი ავტომობილები წელიწადში მხოლოდ ათი გამოდის, ამიტომ ყოველი ხარვეზის აღმოჩენისას მწარმოებლის ქარხანაში გაგზავნაა საჭირო.

5. აშშ

ფოტო: Xiaojiao Wang / Alamy

შესაძლოა არ ელოდით, რომ ამ სიაში კატაც მოხვდებოდა, მაგრამ 2010 წელს ძალიან უცნაური და უპრეცედენტო შემთხვევა მოხდა.

კატა, რომლის სიცოცხლეც მეპატრონემ დააზღვია, მოულოდნელად ცუდად გახდა და თირკმლის ოპერაცია დასჭირდა და კატის მფლობელმა დაზღვევას ზარალის ანაზღაურების თხოვნით მიმართა. საბოლოოდ კომპანიისგან $22 000 მიიღო და ისტორიაშიც შევიდა, როგორც ადამიანი, რომელსაც საყვარელი ცხოველის სიცოცხლე ამხელა თანხით აუნაზღაურეს.

ამ ისტორიას კიდევ უფრო უცნაურს ხდის ის, რომ კატას არ ჰქონდა რაიმე გამორჩეული, იშვიათი მახასიათებელი — არც რომელიმე ვარსკვლავს ეკუთვნოდა, არც ქამელეონის თვალები ჰქონდა და არც განსაკუთრებული ბეწვი. მისი მთავარი სიმდიდრე პატრონის სიყვარული გახლდათ.