CRRC-ის კვლევის მიხედვით, რეგიონებში მცხოვრები მოსახლეობის მხოლოდ 24 პროცენტივ ამბობს, რომ უმაღლესი განათლების დიპლომს ფლობს მაშინ, როცა იგივე კითხვაზე დადებითად თბილისის მოსახლოების 50,2 პროცენტი პასუხობს.

კვლევის მიხედვით, მოსახლეობის 80,1 პროცენტი მიიჩნევს, რომ კარგი განათლების მისაღებად კარგი ფინანსური მდგომარეობა აუცილებელია. დაახლოებით, იგივე რაოდენობა 78,8 პროცენტი ეთანხმება მოსაზრებას, რომ კარგი განათლების მისაღებად საჭიროა ნიჭი.

ამავე კვლევის თანახმად, საქართველოს მოსახლეობის 31,6 პროცენტი ამბობს, რომ მიღებული აქვს უმაღლესი განათლება, ხოლო 36,8 პროცენტი ამბობს, რომ მიღებული განათლების ყველაზე მაღალი საფეხური სრული საშუალო განათლებაა. მოსახლეობის 58,9 პროცენტი სრულად ეთანხმება მოსაზრებას, რომ საქართველოში წარმატების მისაღწევად აუცილებელია კარგი განათლება.

აღნიშნულია კვლევა საქართველოს მთელ ტერიტორიაზე ჩატარდა კავკასიის კვლევითი რესურსების ცენტრის (CRRC) მიერ, ღია საზოგადოების ფონდისა და საერთაშორისო ორგანიზაცია International IDEA ერთობლივი პროექტის ფარგლებში.

კვლევის ფარგლებში 1786 რესპონდენტი (599 თბილისში, 1187 რეგიონებში) გამოკითხა; რესპონდენტები შემთხვევითი შერჩევის შერჩევის პრინციპით, კიშის ცხრილის გამოყენებით შეირჩნენ. გამოკითხვის საშუალო ცდომილების ზღვარი 2,9 პროცენტია. საველე სამუშაოები 2018 წლის 16-27 ნოემბრის პერიოდში მიმდინარეობდა.