CBC-ის ინფორმაციით, კანადაში, Fort McMurray-ში, 3 მაისს გაჩენილმა ხანძარმა ქალაქის 60 ათასი მოქალაქის ევაკუაციის აუცილებლობა გამოიწვია. გაჩენილმა ცეცხლმა მთლიანი რაიონი გაანადგურა. დაიწვა საცხოვრებელი სახლები და სხვა დანიშნულების მქონე შენობები.

თვითმხილველების ცნობით, ხანძრის გაჩენა გაზგასამართი სადგურის აფეთქებამ გამოიწვია. ადგილობრივი მაცხოვრებლები რამდენიმე საათის განმავლობაში გარბოდნენ თავიანთი სახლებიდან.

სახანძრო სამსახურის უფროსის, დერბი ალენის განმარტებით, Beacon Hill-ის მთლიანი რაიონი განადგურდა და ცეცხლი ქალაქის სხვა ნაწილში მდებარე სახლებსაც მოედო. თუმცა, მისი თქმით, ქალაქის ცენტრში მდებარე შენობებს ცეცხლი არ გასჩენია.

მიუხედავად ხანძრის მასშტაბურობისა, დაშავებულების შესახებ ინფორმაცია ამ დრომდე არ ვრცელდება. ადგილზე მობილიზებულია სახანძრო, რომელიც ამ დრომდე აქრობს ცეცხლს.