შინაგან საქმეთა სამინისტროს კახეთის პოლიციის დეპარტამენტმა ყალბი ფულის შეძენა-შენახვისა და გასაღების ბრალდებით ორი პირი დააკავა. ინფორმაციას შსს-ს პრესსამსახური ავრცელებს.

საგამოძიებო უწყების განაცხადებით, ახმეტის რაიონში ბრალდებულებმა სხვადასხვა მაღაზიებში სამი ყალბი ასლარიანი კუპიურა გაასაღეს.

გამოძიება საქართველოს სისხლის სამართლის კოდექსის 212-ე მუხლის მე-2 ნაწილის "გ" ქვეპუნქტით მიმდინარეობს. წინასწარი შეთანხმებით ჯგუფის მიერ ყალბი ვალუტის შეძენა, შენახვა ან გასაღება შვიდიდან ათ წლამდე ვადით თავისუფლების აღკვეთას ითვალისწინებს.