შინაგან საქმეთა მინისტრის, გიორგი გახარიას მტკიცებით, ის პრემიერ-მინისტრობას არ აპირებს. ამის შესახებ მან TV პირველის ეთერში ისაუბრა.

"უბრალოდ ვერ ვხედავ, არც სურვილი მაქვს. ვთვლი, რომ რასაც ვაკეთებ არის უაღრესად მნიშვნელოვანი", — განაცხადა გიორგი გახარიამ და დაზუსტა, რომ გამორიცხავს მთავრობის მეთაური გახდეს.

გიორგი გახარიას პრემიერად დანიშვნაზე ვარაუდები მაშინ გაჩნდა, როცა ყოფილმა პრემიერმა, გიორგი კვირიკაშვილმა თანამდებობა დატოვა. მაშინ პრემიერ-მინისტრად მამუკა ბახტაძე დაინიშნა.