საქსტატის მონაცემებით, 2018 წლის მე-4 კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 61,1 ლარით გაიზარდა და 1 202 ლარი შეადგინა.

ფოტო: საქსტატი

საქსტატის ცნობით, ხელფასები თითქმის ყველა სექტორში გაიზარდა. მათივე მონაცემებით, შედარებით მაღალი ხელფასი დაფიქსირდა შემდეგ დარგებში:

  • პროფესიული, სამეცნიერო და ტექნიკური საქმიანობები — 2 144,9 ლარი (წლიური ზრდა 0,6 პროცენტი);
  • მშენებლობა — 1 956,4 ლარი (წლიური ზრდა 1,4 პროცენტი);
  • საფინანსო და სადაზღვევო საქმიანობა — 1 902 ლარი (წლიური ზრდა 7,3 პროცენტი).

მონაცემების მიხედვით, ქალების საშუალო ხელფასი 906 ლარი, ხოლო კაცების — 1 468,5 ლარია და ხელფასების წლიური ზრდა 46,5 და 81,1 დაფიქსირდა. საქმიანობის სახეების მიხედვით, კაცების ხელფასი თითქმის ყველა სექტორში ქალების ხელფასზე მაღალი იყო.

ფოტო: საქსტატი