საგანგებო სიტუაციების მართვის სამსახურის ინფორმაციით, დიდ დიღომში, ტექნიკის საწყობში გაჩენილი ხანძარი ლოკალიზებულია და ცეცხლის გავრცელების საფრთხე აღარ არსებობს.

უწყების ცნობით, საწყობიდან ერთი ადამიანი გამოიყვანეს, რომელიც საავადმყოფოშია გადაყვანილი. მისი ჯანმრთელობის მდგომარეობა დამაკმაყოფილებელია. მათივე ცნობით, დამწვარია 1 800 კვადრატული მეტრი.

ხანძრის ჩაქრობას 23 სახანძრო-სამაშველო ჯგუფი ცდილობს. ადგილზე ძლიერი დაკვამლიანებაა. ტერიტორიაზე ხანძარი დაახლოებით ერთი საათის წინ გაჩნდა. ცეცხლის ლოკალიზება ძლიერმა ქარმა გაართულა.