კონგრესის წარმომადგენლობითი პალატის სპიკერი, ნენსი პელოსი მიიჩნევს, რომ პრეზიდენტ დონალდ ტრამპისთვის იმპიჩმენტის გამოცხადება არ ღირს. ეს პირველი შემთხვევაა, როდესაც სპიკერმა იმპიჩმენტის საკითხზე თავისი პოზიცია დაუფარავად დააფიქსირა.

"იმპიჩმენტი ხელს უწყობს ქვეყანაში იდეოლოგიურ დაპირისპირებებს. თუ ამისთვის მყარი მიზეზები და ორპარტიული მხარდაჭერა არ არის, არ მგონია, რომ ამგზით უნდა ვიაროთ, რადგან ეს ქვეყანას გაყოფს. ის [დონალდ ტრამპი] უბრალოდ ამად არ ღირს", — თქვა ნენსი პელოსიმ The Washington Post-თან ინტერვიუში.

მიუხედავად იმისა, რომ პელოსი იმპიჩმენტს ეწინააღმდეგება, მიაჩნია, რომ "ინტელექტუალურად" და "ეთიკურად" ტრამპი პრეზიდენტობისთვის შეუფერებელია.

პრეზიდენტ დონალდ ტრამპის იმპიჩმენტის საკითხი დემოკრატმა კონგრესმენებმა არაერთხელ წამოწიეს. მათ მიაჩნიათ, რომ პრეზიდენტის ზოგიერთი ქმედება, მათ შორის რუსეთის გამოძიება ჩარევა, თანამდებობიდან გათავისუფლებას იმსახურებს. იმპიჩმენტის პროცესი პირველად 2017 წელს დემოკრატმა ბრედომ შერმანმა წამოიწყო, თუმცა ის უშედეგოდ დასრულდა.

დემოკრატიულ პარტიას კონგრესის წარმომადგენლობით პალატაში უმრავლესობა უჭირავს. იმპიჩმენტის მხარდაჭერის შემთხვევაშიც, ნაკლებად სავარაუდოა, რომ მას სენატმა მხარი დაუჭიროს. ზედა პალატაში უმრავლესობაში რესპუბლიკელები არიან.

ამავე თემაზე: